Rusiya prezidenti Vladimir Putinlə ABŞ prezidenti Donald Trampın xüsusi nümayəndəsi Stiv Uitkoff arasında görüş üç saat davam edib.
Bunu Rusiya prezidentinin köməkçisi Yuri Uşakov bildirib.
O, Putin və Uitkoff arasında görüşün konstruktiv keçdiyini söyləyib.
Qeyd edib ki,Putin Trampın xüsusi nümayəndəsi ilə digər məsələlərlə yanaşı, Rusiya və Ukrayna arasında birbaşa danışıqların bərpası imkanlarını da müzakirə ediblər: "Putin və Uitkoff arasında danışıqlar Rusiya və ABŞ-ın təkcə Ukrayna ilə bağlı deyil, digər məsələlərdə də mövqelərini yaxınlaşdırıb".
Kreml rəsmisi Putinlə Uitkoff arasında danışıqların Elbada görüşün ildönümündə baş tutmasını simvolik hesab edir.
Uşakov bildirib ki, Rusiya və ABŞ arasında məhsuldar dialoq müxtəlif səviyyələrdə davam etdiriləcək.
///APA
