Bədənin sağ tərəfində qabırğanın alt nahiyyəsində hiss edilən istənilən formada ağrı bir çox təhlükədən xəbər verə bilər.
AZXEBER.COM medicina.az-a istinadən bildirir ki, həmin nahiyədə bir sıra həyatı əhəmiyyətli orqanlar yerləşdiyindən orda müşahidə edilən ağrılara etinasız yanaşmaq düzgün olmaz. Bir çoxları onu ürək ağrısı hesab edərək ehtiyatlanır. Amma nəzərə alın ki, ürək problemi bu ağrıların səbəblərindən yalnız biridir. Döş qəfəsinin sağ tərəfində, aşağı hissədəki ağrıların bir çox səbəbləri ola bilər. Bunlara öd daşı, böyrək daşı, bağırsaq iltihabı həmçinin də həzm sistemində qaz əmələ gəlməsi aiddir. Daha yuxarı hissələrdə olan ağrı isə ağciyər iltihabı, qabırğa və yaxud da əzələ zədələnməsi ola bilər. Sağ tərəf qabırğa altında olan ağrılar küt, iti, həmçinin də sıxılma formasında olur. Bu ağrıların səbəblərini müəyyən etmək üçün mütləq həkimə müraciət etmək lazımdır.
Sağ tərəfdə qaraciyər, öd kisəsi və sağ böyrək yerləşir. Bu orqanların istənilən infeksiyası və iltihabı qarnın yuxarı hissəsində və onurğada ağrılarla müşayət olunur. Ürək döş qəfəsinin mərkəzində sola doğru meylli yerləşdiyindən onun ağrısı daha çox sol tərədə hiss edilir.
Sağ tərəfdə hiss edilən ağrılar aşağıdakı xəstəliklərdən xəbər verir:
Öd daşı
Qaraciyər xəstəlikləri
Böyrək daşı
Pankreatit
Uşaqlıq boynunun iltihabı
Qarın köpməsi
Ağciyər xəstəlikləri
Plaevranın iltihabı
Pnevmaniya
Ağciyər xərçəngi
Həzm problemləri
Yoğun bağırsaq qıcıqlanması sindromu
Bağırsaq iltihabı
