İzmirin Bayraklı rayonunda 3 gün sonra boşanacaqları bildirilən ər və arvadın son mübahisəsi ölümlə bitib.
AZXEBER.COM Türkiyə mediasına istinadən xəbər verir ki, yataq otağında əvvəlcə arvadını tapança ilə öldürən şəxs daha sonra özü də eyni silahdan atəş açaraq intihar edib.
Məlumata görə, bir müddətdir anlaşa bilməyən və boşanma üçün müraciət edən Çiğdem Dıvrak və Ərdoğan Dıvrak yataq otağında mübahisə edib.
Mübahisə böyüyərkən Ərdoğan Dıvrak əlindəki silahla həyat yoldaşı Çiğdem Dıvrakı vurub. Bir müddət sonra eyni silahdan özünə atəş açan Ərdoğan Dıvrak həyat yoldaşı ilə birlikdə qanlar içində qalıb.
Silah səslərini eşidənlərin xəbəri üzərinə hadisə yerinə çoxlu polis və sağlamlıq qrupları sövq edilib.
Hadisə zamanı evdə olan cütlüyün 19 və 12 yaşlı uşaqları polis qrupları tərəfindən çölə çıxarılıb.
Sağlamlıq qrupları tərəfindən aparılan müayinədə hər iki şəxsin həyatını itirdiyi müəyyən edilib. Ərdoğan və Çiğdem Dıvrakın cəsədləri müayinədən sonra İzmir Ədli Tibb Qurumunun meyitxanasına aparılıb.
Digər tərəfdən, Ərdoğan və Çiğdem Dıvrak cütlüyünün uzun müddətdir anlaşa bilmədiyi və məhkəmələrinə 3 gün sonra baxılacağı iddia edilib.
Ayşən
