Türkiyənin "Qalatasaray" klubu Alvaro Morata transferində "Arsenal"ı qabaqlayıb.

AZXEBER.COM xarici KİV-ə istinadən xəbər verir ki, London təmsilçisi qış "transfer pəncərəsi"ndə ispaniyalı hücumçunu heyətinə qatmaq istəsə də, Premyer Liqanın maliyyə dayanıqlılığı (PSR) qaydalarına görə transfer limitləri məhdud olduğundan keçid baş tutmayıb.

İspan hücumçunu icarəyə verməyə hazır olan "Milan" klubu "Arsenal"ın təklifini qəbul etməyə razı olub. Lakin "topçular" transferin qışda, yoxsa yayda baş tutacağı ilə bağlı tərəddüd edərkən, "Qalatasaray" hərəkətə keçib və Morata ilə razılığa gəlib.

"Arsenal" sonradan transferə mane olmaq istəsə də, artıq gec olub və Morata "Qalatasaray"la müqavilə imzalayıb.