"Qalatasaray" Nigeriya millisinin matçında baş verən xoşagəlməz hadisədən sonra hərəkətə keçib.
Sarı-qırmızılılar Nigeriya millisinin Ruanda ilə matçında zədələnən ulduz hücumçu Viktor Osimhen üçün şəxsi təyyarə göndərib.
26 yaşlı forvard hərtərəfli tibbi müayinədən keçmək üçün İstanbula gətiriləcək.
Osimhenin zədəsinin ciddiliyi ətraflı tibbi müayinələrdən sonra bəlli olacaq. Futbolçu sentyabrın 14-də keçiriləcək "Eyüpspor" və sentyabrın 18-də "Ayntraxt Frankfurt"la Çempionlar Liqası matçını buraxa bilər.
Qeyd edək ki, "Qalatasaray" klubu Osimheni "Napoli"dən 75 milyon avroya transfer edib.
/Oxu.az
