"Qalatasaray" Qadın Futbol Komandası cavab oyununda Slavia Praqanı 2-1 məğlub edərək Çempionlar Liqasında qruplara vəsiqə qazanan ilk türk qadın komandası olub.
AZXEBER.COM Türkiyə mətbuatına istinadən xəbər verir ki, Praqadakı "Fortuna Arena”da keçirilən qarşılaşmanı Bolqarıstan Futbol Federasiyasından olan baş hakim Hristyana Quteva idarə edib.
Slaviya Praqa matçın 31-ci dəqiqəsində Eda Karataşın avtoqolu ilə 1-0 önə keçib.
"Qalatasaray" 50-ci dəqiqədə Arzu Karabulutun vurduğu qolla hesabı bərabərləşdirib.
Qarşılaşma 90 dəqiqə sonra 1:1 hesabı ilə başa çatıb və əlavə vaxta gedib. 100-cü dəqiqədə Nazlıcan Parlak "Qalatasaray"ı 2-1 önə keçirib. Qalan dəqiqələrdə başqa qol olmayıb və "Qalatasaray" meydandan 2-1 qalib ayrılıb.
"Slaviya Praqa"nı ümumi hesabda 4-3 hesabı ilə məğlub edən Qalatasaray Qadın Futbol Komandası UEFA Qadınlar Çempionlar Liqasında qruplara vəsiqə qazanan ilk türk komandası olub.
Aysel
