AZXEBER.COM-un verdiyi məlumata görə, “cim-bom” Didye Droqba ilə müqavilə imzalayıb.
Türkiyə mətbuatı İstanbul klubunun Çempionlar Liqasının son qalibi ilə 2.5 illik sözləşmə bağladığını bildirib. Fil Dişi Sahilindən olan forvardın illik məvacibi 4 milyon avro olacaq. Transferin yaxın zamanda rəsmi olaraq açıqlanacağı gözlənilir.
“Gec parlayan ulduz” Droqba 26 yaşına kimi Fransanın “Le Man”, “Jinyap” və “Marsel” klublarında çıxış etsə də, yetərincə tanınmayıb. Bundan sonra “Çelsi”yə transfer olunan 34 yaşlı hücumçu karyerasının qızıl dövrünü London klubunda yaşayıb. Ötən mövsüm komanda ilə UEFA Çempionlar Liqasını qazanan futbolçu bu mövsümün ilk yarısını Çinin “Şenxua Şanxay” komandasında keçirib.
