“Real”ın baş məşqçisi Joze Mourinyo Çempionlar Liqasının 1/4 final mərhələsinin “Qalatasaray” matçı öncəsi maraqlı açıqlama verib.
Baş məşqçi keçmiş futbolçuları, hazırda “Qalatasaray”da oynayan Həmid Altıntop, Didye Droqba, Uesli Sneyderin “Qol vursaq, bunu Mourinyoya həsr edəcəyik” fikrinə zarafatla belə münasibət bildirib: “Əgər qol vurub, mənə doğru gəlsələr, onlara qovaram”.
Mourinyo həmçinin keçmiş futbolçularının indiki komandalarının 1/4 finala çıxmasına sevindiyini də ifadə edib: “Əgər qalib gəlsək, onlara görə çox təəssüfələnəcəyəm. Ancaq yarımfinala çıxmaq üçün qələbə qazanmağımız çox vacibdir”.
“Real”ın baş məşqçisi ona “Türkiyədə hansı klubu dəstəkləyirsiniz” sualına isə belə cavab verib: “Mən klubu yox, dostlarımı dəstəkləyirəm. Fatih Terim çox yaxşı baş məşqçi olmaqla yanaşı, mənim ən yaxın dostlarımdan biridir”.//qol.az
