"Qan donoru qəhrəmandır"

Azxeber.com-un məlumatına görə, dünyanın bir çox ölkəsində olduğu kimi, könüllülər Azərbaycanda da «Qan ver, yaşat» aksiyasına qoşulublar. Ümumdünya Səhiyyə Təşkilatının 2005-ci ildə qəbul etdiyi bəyənnaməyə əsasən, iyunun 14-ü «Qan donoru» günü kimi qeyd olunur. Dünyanın əksər ölkələrində bu gün yaşı 18-ə çatmış sağlam könüllülər ehtiyacı olan insanlara təmənnasız donorluq edirlər. Azərbaycanda hazırda irsi qan xəstəliyindən əziyyət çəkənlərin sayı 1300-ə yaxındır. Onlara yardım məqsədilə Qan Donorları Assosiasiyası qanvermə aksiyası keçirib. «Ümumdünya qan donoru» günü hər il fərqli şuar altında keçirilir. Bu ilin şuarı isə belədir: «Qan donoru qəhrəmandır»