Milli Şuranın bazar günü keçirilən mitinqində maraqlı bir məqama diqqət edin. AXCP gənclər təşkilatının sədri Əbülfəz Qurbanlı çıxış edir. “Çıxış edir” deyəndə bir az yekə alınır, ona görə də, adını belə qoyaq: nəsə danışır. Və danışdıqca əlini tribunaya vurur.Tribunaya isə Rüstəm İbrahimbəyovun plakatı elə asılıb ki, cəbhəçi gəncin əli sanki hər dəfə `vahid namizəd`in başına çırpılır. Sanki namizəd qapazlanır.Əlbəttə, bu, təsadüfən belə alınıb, amma `həyatda təsadüf olmur` məntiqilə yanaşsaq, hər təsadüfdə bir zərurət var. Bu, çox rəmzi bir mənzərədir. Faktik olaraq, Rüstəm İbrahimbəyov qapazaltı edilib və hər şey onun başına vurulur –`qorxaqsan`, `gəlmirsən`, `səndən namizəd olmaz`, `ehtiyat namizəd seçəcəyik`...Bunların hamısı hər dəfə Rüstəmin başına vurulur. Cəbhəçi gənc isə bunu fiziki olaraq göstərir ki, başa necə vurulur...Maraqlıdır, görəsən Rüstəm İbrahimbəyovun şəkli danışa bilsə idi, nə deyərdi? “Gör, nə günə qalmışam ki, dünənin uşağı da məni qapazltı edib...”kirpi.info
