Azərbaycan Kubokunda 1/4 final mərhələsinə yekun vurulub.
Mərhələnin son iki cavab oyunu həm də Azərbaycanda ilin son futbol matçları olub.
Günün ilk matçında Premyer Liqada ikinci pilləni tutan "Qəbələ" ili 6-cı yerdə başa vuran "Səbail"in qonağı olub. Komandalar arasında Qəbələdəki ilk oyunda meydan sahibləri 1:0 hesablı qələbə qazanmışdı. "Qırmızı-qaralar" cavab görüşündə də qələbə qazanaraq yarımfinala çıxıblar - 4:2.
Son 3 mövsümdə kuboku başı üzərinə qaldıran "Qarabağ" isə "Sumqayıt"la qarşılaşıb. Ağdam klubunun titulunu qorumaq yolunda yaxşı şansı var idi. Belə ki, Qurban Qurbanovun yetirmələri ilk oyunda 2:0 hesablı qələbə qazanmışdı. Lakin "Qarabağ" bu üstünlükdən yararlana bilməyib. 2:0 hesablı qələbə qazanan "Sumqayıt" adını yarımfinala yazdırıb.
Qeyd edək ki, ötən gün "Keşlə" "Kəpəz"i (2:0, 3:2), "Neftçi" "Zirə"ni (0:1, 2:0) mübarizədən kənarlaşdıraraq yarımfinala çıxıb.
Azərbaycan Kuboku
1/4 final (Cavab oyunları)
15 dekabr
Səbail - Qəbələ 2:4
Qollar: Adrian Popoviçi, 16. Elman Taqayev, 78 - Filip Ozobiç, 22. Ruslan Qurbanov, 44. Famussa Kone, 56. Baqali Dabo, 75.
İlk oyun - 0:1.
Sumqayıt - Qarabağ 2:0
Qollar: Kamal Mirzəyev, 22. Amil Yunanov, 90.
İlk oyun - 1:2.
