Azərbaycan çempionu “Qarabağ” bu gün UEFA Çempionlar Liqası III təsnifat mərhələsi cavab qarşılaşmasına çıxacaq. Apasport.az saytının məlumatına görə, ağdamlılar Şotlandiya çempionu “Seltik”i qəbul edəcək.
Ardıcıl ikinci dəfə qitənin ən nüfuzlu klub turnirində iştirak edəcək Qurban Qurbanovun yetirmələri bu dəfə III mərhələyə kimi irəliləməyi bacarıb.
İlk oyunda səfərdə minimal hesabla məğlub olan təmsilçimiz revanşı alaraq mərhələni adlamaq arzusundadı.
BU həm də Azərbaycan futbolu tarixində ilk olacaq. Belə ki, bu vaxta kimi heç bir klubumuza Çempionlar Liqasında pley-offda oyanamaq nəsib olmayıb.
“Qarabağ” ötən mövsüm də bu mərhələyə kimi gəlmiş, ancaq Avstriya çempionu “Zalsburq”a məğlub olaraq mübarizəni Avropa Liqasının pley-off mərhələsində davam etdirmişdi.
“Qarabağ” mərhələ adlayan ilk komandamız kimi tarix düşməyi bacarsa, bununla da qrup mərhələsində yerini təmin edəcək. Çünki Çempionlar Liqasının pley-offunda qələbə bu turnirin, məğlubiyyət Avropa Liqasının qrupuna vəsiqə verəcək. Bu isə təmsilçimizin daha bir ilki ilə nəticələnəcək.
Ötən il Avropa Liqasının qrupunda çıxış edən komanda bunun təsadüf olmadığını sübut edərək, ardıcıl ikinci dəfə qrupa düşsə, heç bir Azərbaycan klubunun bacarmadığını gerçəkləşdirəcək.
Məsul oyunöncəsi "Qarabağ"ın heyətində zədəli Maksim Medvedevin oynamayacağı dəqiqləşib.
Çempionlar Liqası
III təsnifat mərhələsi
Cavab oyunu, 5 avqust
21:30. "Qarabağ" (Azərbaycan) - "Seltik" (Şotlandiya)
Baş hakim:Martin Strömberqsson
Yan xətt hakimləri:Daniel Qustavsson, Stefan Hallberq
Dördüncü hakim:Yohan Hamlin (hamısı İsveç)
Hakim-inspektor:Alen Hamer (Lüksemburq)
UEFA nümayəndəsi: Peter Lundström (Finlandiya)
Bakı. Tofiq Bəhramov adına respublika stadionu
İlk oyun – 0:1
OYUNU CANLI İZLƏMƏK ÜÇÜN DAXİL OLUN:
https://www.myvideo.az/?act=dvr&chan=idman&seekTime=05-08-2015%2020:08
