Son Azərbaycan çempionu "Qarabağ"dan ayrılacaq ilk futbolçunun adına aydınlıq gəlib.
AZXEBER.COM yenicag.az-a istinadən xəbər verir ki, söhbət Riçard Almeydadan gedir.
Mövsümün sonunda müqaviləsi başa çatacaq futbolçuya yeni sözləşmə təklif edilsə də, "sambaçı" bunu qəbul etməyib.
Millimizin 29 yaşlı yarımmüdafiəçisi karyerasını başqa ölkədə davam etdirmək qərarına gəlib.
Qeyd edək ki, "Qarabağ"ın ən yüksək ödənişli futbolçusu olan Riçard Almeyda "Qarabağ"da 2012-ci ildən çıxış edir.
