Son bir neçə ayda Azərbaycanın Qarabağ bölgəsindəki Ermənistan silahlı qüvvələrinin birləşmələri tərəfindən Azərbaycan Ordusunun mövqelərinin müxtəlif çaplı silahlardan sistemli şəkildə atəşə tutulması, ərazilərimizin minalanmasının davam etdirilməsi, döyüş mövqelərinin mühəndis cəhətdən təkmilləşdirilməsi, eləcə də səngər və sığınacaqların sayının artırılması gərginliyin artmasına səbəb oldu.
Son dövrdə döyüş mövqelərinin şəxsi heyət, zirehli texnika, artilleriya qurğuları və digər atəş vasitələri ilə gücləndirilməsi, bölmələrin yüksək döyüşə hazırolma səviyyəsinə gətirilməsi, səfərbərlik üzrə əlavə bölmələrin yaradılması, Azərbaycan Ordusunun bölmələrinə qarşı kəşfiyyat fəaliyyətlərinin genişləndirilməsi, mövqelərimizin dərinliyinə sızaraq minalardan təmizlənmiş ərazilərin və mülki təyinatlı yolların terror-təxribat məqsədilə yenidən minalanması kimi əməllər müşahidə olunurdu.
Sentyabrın 19-da Ermənistan silahlı qüvvələrinin Azərbaycanın Qarabağ bölgəsindəki birləşmələrinin kəşfiyyat-diversiya qrupları tərəfindən Əhmədbəyli-Füzuli-Şuşa avtomobil yolunda terror məqsədilə əvvəlcədən quraşdırılmış minanın partlaması nəticəsində Azərbaycan Avtomobil Yolları Dövlət Agentliyinə məxsus nəqliyyat vasitəsi sıradan çıxıb və mülki şəxslər həlak olub. Həmin gün Daxili İşlər Nazirliyinin Daxili Qoşunlarının hərbi qulluqçularını daşıyan nəqliyyat vasitəsinin də Ermənistan silahlı qüvvələrinin kəşfiyyat-diversiya qrupları tərəfindən quraşdırılmış minaya düşməsi nəticəsində hərbi qulluqçularımız həlak olub və yaralanıblar. 10 noyabr 2020-ci ildə imzalanmış üçtərəfli bəyanatın müddəalarına zidd olaraq Azərbaycanın Qarabağ bölgəsindəki Ermənistan silahlı qüvvələrinin birləşmələrinin mövcudluğunu davam etdirməsi regional sülh və sabitlik üçün ciddi təhlükə mənbəyidir.
Üçtərəfli bəyanatın müddəalarının təmin olunması, Qarabağ iqtisadi rayonunda törədilən genişmiqyaslı təxribatların qarşısının alınması, Ermənistan silahlı qüvvələrinin birləşmələrinin tərksilah edilərək ərazilərimizdən çıxarılması, onların hərbi infrastrukturunun zərərsizləşdirilməsi, işğaldan azad edilmiş ərazilərə qayıdan dinc əhali, habelə bərpa-quruculuq işlərinə cəlb olunmuş mülki işçilər və hərbi qulluqçularımızın təhlükəsizliyinin təmin olunması və Azərbaycan Respublikasının konstitusiya quruluşunun bərpa edilməsi məqsədilə bölgədə lokal xarakterli antiterror tədbirlərinə başlanılmalı idi.
Buna görə də Azərbaycan Ordusu dünən Qarabağ iqtisadi rayonu ərazisində lokal antiterror tədbirlərinə başlayıb. Əməliyyat lokal xarakterli olub və yalnız legitim hərbi obyektlərə zəruri zərbələr yetirilib, mülki infrastrukturlar hədəfə alınmayıb. Tədbirlərin lokal xarakteri məhdud hərbi qüvvənin cəlb edildiyini ifadə edir, konkret olaraq qanunsuz dəstələrin silahsızlaşdırılmasını, mülki əhalinin isə nəinki hədəf alınmadığını, üstəlik, qorunma tədbirləri görüldüyünü göstərir. Azərbaycan dövlətinin, şəxsən dövlət başçısının sözünün imzası qədər keçərli olduğu özü bir həqiqətdir və beynəlxalq ictimaiyyət bunun dəfələrlə şahidi olub. Gərginliyin artmasına səbəb 10 noyabr 2020-ci il tarixli məlum Üçtərəfli Bəyanata əməl etməyən Ermənistandır. Ermənistan Qarabağdakı qanunsuz hərbi qüvvələrini artıq 3 ildir, ərazilərimizdən çıxarmayıb. Bu azmış kimi, həmin qanunsuz qüvvələr hər gün yeni səngər qazma, istehkam qurma, mina basdırma, "rotasiya” və s. ilə məşğul olurdu. Üstəlik, son bir neçə ay içində Qarabağdakı Ermənistan qanunsuz silahlı birləşmələrinin Azərbaycan Ordusunun mövqelərini müxtəlif çaplı silahlardan sistemli şəkildə atəşə tutması, ərazilərimizin yenə də minalanması, döyüş mövqelərini mühəndis cəhətdən təkmilləşdirilməsi, sıginacaqlarin sayının artırilmasi nə ilə izah oluna bilər?
Antiterror tədbirlər çərçivəsində Ermənistan silahlı qüvvələrinin birləşmələrinin ön xətt və dərinlikdə olan mövqeləri və uzunmüddətli atəş nöqtələri, eləcə də döyüş vasitələri və hərbi təyinatlı obyektləri yüksək dəqiqlikli silahların tətbiqi ilə sıradan çıxarılıb.
Azərbaycan Respublikasının qanunlarına, beynəlxalq huquq normalarına uyğun olaraq təhlükəsizliyinə zəmanət verilən inzibati, sosial, təhsil, tibbi, dini və digər obyektlərin qorunması təşkil olunur, qadınlar, qocalar, uşaqlar və habelə fiziki məhdudiyyətli şəxslərə, xəstələrə gərəkli tibbi yardım göstərildi. Azərbaycan tərəfinin göstərdiyi belə humanizmə sayğı duyulmalıdır.
Baxmayaraq ki, hakimiyyətin siyasi dialoqla bağlı bütün jestlərinə rəğmən öz xain mövqe və məkrli niyyətlərinə sadiq qalan məşhur "üçluk" Vətənsevər siyasi qüvvələrin Bəyanatına imza vurmaqdan imtina edən Azərbaycan Xalq Cəbhəsi Partiyası, Müsavat Partiyası və Real Partiyası bir daha öz xain xislətini nümayiş etdirdilər, amma Azərbaycan Prezidentinin mövqeyi hər şeyi qanun çərçivəsində həll etdi.
Səlim Məmmədov,
Abşeron rayonu, Masazır kənd 5 saylı tam orta məktəbin direktoru
