Qaradağ rayonu, Qızıldaş qəsəbəsində iki nəfərin bıçaqlanması ilə nəticələnən hadisəni törətməkdə şübhəli bilinən şəxsin axtarışları aparılır.
Bu barədə DİN-in Mətbuat Xidmətinin əməkdaşı, polis leytenantı Lumu İsrəfilli bildirib.
Qeyd olunub ki, paytaxtın Qaradağ rayonunda iki nəfərə kəsici-deşici alətlə xəsarət yetirilməsi barədə polisə məlumat daxil olub.
Əməli törətməkdə şübhəli bilinən şəxsin saxlanılması istiqamətində tədbirlər görülür. Hadisə ilə bağlı əlavə məlumat veriləcək.
