Daha əvvəl oğlu Ahmet Tatlı və qızı Dilan Çıtakla gərginlik yaşayan İbrahim Tatlısəs bu dəfə qardaşı Hüseyn Tatlı ilə mübahisə edib.
AZXEBER.COM Türkiyə mətbuatına istinadən xəbər verir ki, Hüseyn Tatlı qardaşı İbrahim Tatlısəsin onun haqqında dediyi "Sən heç vaxt, heç bir şey olmayacaqsan” sözlərinə sərt cavab verib.
Hüseyn Tatlı sosial media hesabında etdiyi paylaşımda "İmperator"u ona dəstək olmamaqda günahlandırıb:
"Əyri otur, düz danış deyiblər. Belə şeylər sənə yaraşmır. 2000-ci ildə mənim üçün ilk albomu hazırlayanda 10 gündən sonra onu musiqi bazarından çıxartmışdın. Cəmi 360 min ədəd satmışdı. Klipimi "Kral TV"dən yığışdırdın. Məni Avstraliyada tədbirə istədilər, yerimə Ebru Yaşarı göndərmişdin. Bir il yarım əvvəl Bodrumda yanına gəldim və "Yallah Şoför” mahnısını oxudum. Paylaşıb dəstək olmağını istədim, amma sən "paylaşmıram” dedin. Deyəcəklərimin sonu yoxdur. Əgər həqiqətən dəstək olmaq istəyirsənsə prodüserin Polat Yağcıya zəng et və "Hüseyin Tatlını şirkətinə götür de. Hələlik bu qədər. Sən qardaş yox, sadəcə anamın oğlusan".
Aysel
