Ötən gün qarlı və şaxtalı hava şəraiti ilə əlaqədar Bakı şəhəri və ətraf ərazilərdə fəaliyyət göstərən 40-dan çox avtobus əsasən fərdi nəqliyyat vasitələrinin iştirakı ilə baş verən qəzalar nəticəsində zədələnib.
Bu barədə AZXEBER.COM-a Azərbaycan Yerüstü Nəqliyyat Agentliyindən məlumat verilib.
Bildirilib ki, hava şəraitinin əlverişsiz olmasına baxmayaraq avtobus sürücüləri vətəndaşları mənzil başına təhlkəsiz çatdırmaq üçün çalışıblar. Avtobus sürücülərinin peşəkarlığı sayəsində bu qəzalarda sərnişinlər arasında xəsarət alan olmayıb.
