Bu ilin yanvar-may aylarında "Qazaxıstan Dəmir Yolları” şirkəti (QDY) tərəfindən 5,7 mln. ton taxıl daşınıb ki, bu da 2024-cü ilin eyni dövrü ilə müqayisədə 54% çoxdur.
Məlumata görə, ixrac daşımaları 62% artaraq 4,5 milyon ton təşkil edib.
"Mərkəzi Asiya ölkələrinə 2,2 mln. ton taxıl göndərilib ki, bu da ötən illə müqayisədə 28% çoxdur. Aktau və Kurık limanları vasitəsilə İran istiqamətində taxıl daşımalarının həcmi 12 dəfə artıb. Qara dəniz limanları istiqamətində daşınmalar 20%, Baltik limanları istiqamətində isə 16% artıb”, - məlumatda qeyd olunur.
