"525-ci qəzet”in baş redaktoru, Mətbuat Şurasının İdarə Heyətinin sədri Rəşad Məcid uzun illərdir ki, sosial şəbəkələrdə, xüsusən də "Facebook”da çox fəaldır. Onun "Facebook” statuslarından ibarət "Qələmsiz yazılanlar” adlı kitabı da nəşr olunub.
"525-ci qəzet”də bu statuslardan ibarət "Qələmsiz yazılanlar” rubrikası dərc edilir və bu, dövrün sürətinə uyğun olaraq, böyük maraqla qarşılanır.
Son vaxtlar isə Rəşad Məcid səsli videolar paylaşmağa başlayıb. Bu videolar "Səsli yazılanlar” başlığı ilə Rəşad Məcid həm öz səhifəsində, həm də "525-ci qəzet”in Instagram və TikTok səhifələrində paylaşılır və böyük maraqla qarşılanır.
Müqayisə üçün deyək ki, Rəşad Məcidin Turşsu haqda danışdığı video sosial mediada böyük maraqla qarşılanıb və təkcə "facebook”da 2 minə yaxın insan bəyənib.
AZXEBER.COM olaraq mövzu ilə bağlı Mətbuat Şurasının İdarə Heyətinin sədri Rəşad Məcidə müraciət etdik.
O bildirib ki, son zamanlar yazılı xəbərlərdən daha çox, səsli xəbərlərə üstünlük verilir:
"Vaxtilə "Facebook”da "Qələmsiz yazılanlar”ı başlayanda hiss edirdim ki, sosial medianın yaranması insanları daha yığcam və gündəmə uyğun yazılara yönəldir. Son vaxtlar görürəm ki, yazılı xəbərlərdən daha çox səsli xəbərlərə üstünlük verirlər. Ona görə qərar aldım ki, "Qələmsiz yazılanlar”ın digər sosial media platformaları, "TikTok”, "Instagram” və digərləri üçün "Səsli yazılanlar” variantını hazırlayım”.
Rəşad Məcid deyib ki, artıq çıxışlarını video formatında da edir və böyük maraqla qarşılanır:
"Artıq bir neçə video paylaşmışam. Düzdür, "Instagram” və "TikTok”da yeniyəm. Burada öz xüsusi maraqları, özünəməxsus baxışları olan videolar var. Hər halda, ola bilər ki, mən yeniyəm deyə belədir. Elə bilirəm ki, "Səsli yazılanlar” da "Qələmsiz yazılanlar’’ kimi maraq doğuracaq”, - deyə Rəşad Məcid qeyd edib.
Şahanə Ziyad
@525.az_ 📍 Rəşad Məcid- Səsli yazılanlar Turşsu haqda xatirələr #gundem #sondeqiqe #baku #azerbaijan #xeber ♬ News, news, seriousness, tension(1077866) - Lyrebirds music
