Millət vəkili Qənirə Paşayeva Mərmərə Universitetini ziyarət edib və Universitetin rektoru Prof. Dr. Zafer Gül ilə görüşüb.
Mərmərə Universitetinin rektoru Prof. Dr. Zafer Gül millət vəkili, dr. Qənirə Paşayevaya Universitetdə “Avrasiyada Türk Dili və Tarixi tədrisi” beynəlxalq simpoziumdakı çıxışının və irəli sürdüyü təkliflərin böyük əhəmiyyət daşıdığını deyib. Millət vəkili Qənirə Paşayeva isə 3 gün davam edən bu cür simpoziumların davamlı olmasının vacibliyini vurğuılayaraq Universitet rektoruna daim Azərbaycanla bağlı tədbirlərə, mövzu və məsələlərə həssaslıqla yanaşdıqları üçün təşəkkür edib.
Mərmərə Universitetinin rektoru Prof. Dr. Zafer Gül Azərbaycanla əməkdaşlığa böyük önəm verdiklərini deyib və iki ölkə arasında bütün sahələrdə münasibətlərin daha da inkişafından məmnunluğunu ifadə edib. Mərmərə Universitetinin rektoru Prof. Dr. Zafer Gül rəhbərlik etdiyi Universitetdə azərbaycanlı tələbələrin təhsil aldığını və onların sayının daha da artmasında maraqlı olduğunu söyləyib və rəhbərlik etdiyi universitetin Azərbaycanın ali təhsil məktəbləri ilə əməkdaşlığın daha da genişləndirilməsinin vacibliyini qeyd edib.
Millət vəkili Qənirə Paşayeva Azərbaycan universitetlərinin Türkiyənin ali təhsil müəssisələri ilə əməkdaşlığın getdikcə daha da genişlənməsinin vacibliyini qeyd edib və Mərmərə Universiteti ilə Azərbaycanın ali təhsil müəssisələri arasında əməkdaşlığın daha da genişləndirilməsinin önəmini bildirib. Azərbaycan ilə Türkiyə arasında əməkdaşlığın bütün istiqamətlərində olduğu kimi təhsil sahəsində də ildən-ilə əlaqələrin genişləndiyini vurğulayan millət vəkili Qənirə Paşayeva hər iki ölkənin orta və ali məktəblərində, universitetlərindı ortaq türk tarixinin, mədəniyyətinin tədrisinin vacibliyini xüsusi vurğulayıb.
Millət vəkili, dr. Qənirə Paşayeva Mərmərə Universitetinin rektoru Prof. Dr. Zafer Gülü Azərbaycana dəvət edib. Azərbaycanı çox sevdiyini bildirən Mərmərə Universitetinin rektoru Prof. Dr. Zafer Gül dəvəti məmnuniyyətlə qəbul edib. Millət vəkili Qənirə Paşayeva Mərmərə Universitetində təhsil alan bəzi azərbaycanlı tələbələrlə də görüşüb, onlarla söhbət edib, yaxşı təhsil almalarının və ölkəmizi layiqincə təmsil etmələrinin vacibliyini qeyd edib.
