Xəbər verdiyimiz kimi, dünən Bakının Yasamal rayonu, Mətbuat prospektində sükan arxasında infarkt keçirən sürücü piyadanın ölümünə səbəb olub. Qəza nəticəsində həyatını ititrən piyada 53 yaşlı Abbasov Fariz Nikolay oğlu olub.
O, açıq kəllə-beyin travması, döş qəfəsinin əzilməsi və sol bud nahiyyesində xəsarətlərlə 1 saylı Şəhər Kliniki Tibbi Mərkəzə aparılıb. Lakin xəstəxanada dünyasını dəyişib.
Qeyd edək ki, Fariz Abbasov Bakıda uzun illər sığorta və bank sektorunda çalışıb. O, daha öncə Beynəlxalq Sığorta Şirkətinin icraçı-direktoru olub.
Mərhum F.Abbasov subay olub. O, dostları tərəfindən dəfn olunub. Ailəsi olmayan F.Abbasov tanınmış banklarda yüksək vəsifə sahibi olub. Ölümündən əvvəl vəsiyyət də edibmiş. Vəsiyyətində var-dövlətinin, mülkünün xeyriyyə işlərinə sərf edilməsini yazıb.
AZXEBER.COM 1news.az-a istinadən Fariz Abbasovun və dəhşətli qəzanın fotolarını təqdim edir:
