İngiltərə və ABŞ universitetlərində aparılan araşdırmalara görə, atəşkəs elan olunsa belə, Qəzzada epidemiyalar, xəstəliklər və yaralanmalar kimi səbəblərdən minlərlə insan həyatını itirəcək.
AZXEBER.COM xarici mediaya istinadən xəbər verir ki, London Universitetinin Gigiyena və Tropik Təbabətlər Məktəbi və ABŞ-nin Hopkins Universitetinin Humanitar Sağlamlıq Mərkəzinə bağlı Humanitar Böhranlarda Sağlamlıq Mərkəzi Qəzzada vəziyyətin 3 fərqli ssenaridə necə dəyişəcəyini açıqlayan hesabatını dərc edib.
Atəşkəsin elan edildiyi, hazırkı hücumların eyni şəkildə davam etdiyi və hücumların intensivliyinin artdığı ssenarilərə görə, hazırlanan hesabat 7 fevral - 6 avqust 2024-cü il tarixləri arasında Qəzzada xalq sağlamlığının necə dəyişəcəyi ilə bağlı proqnozları ortaya qoyub.
Hesabatda Qəzzada atəşkəsin elan edildiyi bir mühitdə müharibənin təsirləri, yoluxucu və ya yoluxucu olmayan xəstəliklər, ana və yeni doğulanların sağlamlığına təsir edən səbəblərdən 6550 adamın öləcəyi təxmin edilir. Vəziyyət davam edərsə, ölənlərin sayı 58260-a yüksələcək. Şiddət artarsa, ölənlərin sayının 74290-a yüksələcəyi proqnozlaşdırılıb.
Ayşən
