Mühasirəyə alınan Qəzza zolağının cənubunda çalışan həkimlər köçkün vəziyyətə düşmüş mülki insanların yaratdığı sıxlıq nəticəsində bölgədə yoluxucu xəstəliklərin sürətlə yayıldığını açıqlayıb.
AZXEBER.COM xarici mediaya istinadən xəbər verir ki, Qəzzanın cənubundakı Xan Yunus şəhərindəki Nasser Xəstəxanasında çalışan həkimlər "The Independent” qəzetinə verdiyi açıqlamada bölgədə sürətlə yayılan yoluxucu xəstəliklərə diqqət çəkiblər.
Həkimlər Qəzzada mülki əhalinin həddindən artıq sıxlaşması nəticəsində bölgədə yoluxucu xəstəliklərin sürətlə yayıldığını bildiriblər.
Yenidoğulmuşlar üçün lazım olan peyvəndlərin olmamasının xəstəxanalarda xəstəliklərin daha sürətlə yayılmasına səbəb olduğunu vurğulayan həkimlər İsrailin sıx hücumlarına məruz qalan Xan Yunusda yoluxucu xəstəliklərlə yanaşı, həyatını itirən və yaralananların da qayğısına qaldıqlarını bildiriblər.
Könüllü həkim Asem Mohammed qeyd edib ki, sıxlıq yoluxucu xəstəliklərin yayılması üçün əlverişli şərait yaradır, tibbi avadanlıqların çatışmazlığı və təmiz suya çıxışın məhdudlaşdırılması vəziyyəti daha da pisləşdirir.
Ayşən
