İsrail Müdafiə Qüvvələrinin bir əsgəri Qəzza zolağının cənubunda gedən döyüşlər zamanı həlak olub.
Bu barədə "The Times of Israel” məlumat yayıb.
Hərbi komandanlığın məlumatına görə, Yerusəlimdən olan 21 yaşlı ehtiyatda olan baş çavuş Noam Şemeş Kfir briqadasının Şimşon batalyonunda taqım komandiri idi.
İlkin araşdırmaya görə, Şemeş Qəzzanın cənubundakı Xan Yunisdə RPG atəşi nəticəsində həlak olub. Hadisə zamanı başqa bir əsgər yüngül yaralanıb.
Şemeşin ölümü nəticəsində Qəzzada HAMAS-a qarşı aparılan quru əməliyyatı və sərhəd bölgəsindəki digər hərbi əməliyyatlarda İsrail əsgərlərinin ümumi itki sayı 430-a yüksəlib. Bu rəqəmə iki polis əməkdaşı və üç Müdafiə Nazirliyinin mülki podratçısı da daxildir.
Qeyd edək ki, hazırda Qəzzadakı terror qrupları hələ də 53 nəfəri girov saxlayır. Bu girovlardan azı 33-nün cəsədləri təsdiqlənib, 20 nəfərin isə sağ olduğu hesab olunur. İsrail rəsmiləri əlavə olaraq, daha 3 nəfərin sağlamlığı və həyatı ilə bağlı ciddi narahatlıqların olduğunu bildiriblər.
///Apa
