Qəzzada ölənlərin sayı 34 654 nəfərə çatıb.
Bu barədə Qəzzadakı səhiyyə qurumu məlumat yayıb.
Bildirilib ki, son sutkada İsrailin hücumları nəticəsində 32 nəfər ölüb.
İndiyə qədər 77 908 nəfər yaralanıb ki onların da 41 nəfəri son sutkadakı hücumlar nəticəsində yaralanıb.
Xatırladaq ki, ötən ilin oktyabrın 7-də HAMAS gözlənilmədən İsrailin cənubuna hücum edib. Hücum nəticəsində 1 110-dən çox israilli qətlə yetirilib. Buna cavab olaraq İsrail Qəzza zolağında havadan və qurudan hərbi əməliyyatlara başlayıb.
