Qəzza zolağının cənubundakı Xan Yunis şəhərindəki Nasser Xəstəxanasında İsrail humanitar yardım və tibbi ləvazimatların ölkəyə girişini əngəllədiyi üçün uşaqlar, xüsusilə də körpələr sağ qalmaqda çətinlik çəkir.
AZXEBER.COM xarici mətbuata istinadən xəbər verir ki, Nasser Xəstəxanasında İsrailin hücumu altında doğulan fələstinli körpələr bədənlərinin zəifliyi və kritik sağlamlıq vəziyyətləri səbəbindən yüksək səslə belə ağlaya bilmirlər.
Əməliyyat otağında və yaralı hissələrdə ağrı qışqırıqlarının eşidildiyi xəstəxananın yenidoğulmuşlar bölməsindəki səssizlik Qəzza zolağında səhiyyə sisteminin çökməsi ilə baş verən fəlakəti əks etdirir.
Qəzzada qida və təmiz sudan tutmuş dərman və tibbi ləvazimatlara qədər olan çatışmazlıqlar səhiyyə sisteminə, xüsusən də neonatal və uşaq baxım şöbələrinə mənfi təsir göstərir.
Qeyd edək ki, İsrail təxminən 1,5 aydır Qəzzaya humanitar yardım və tibbi ləvazimatların girişini əngəllədiyi halda, bu müddətin 7 oktyabr 2023-cü ildən Qəzzaya humanitar yardımın çatdırılmadığı ən uzun müddət olduğu bildirilir.
Gülay
