Hər gün qırmızı ətdən istifadə etmək ölüm riskini artırır. Harvard Universitetində 120 min insan üzərində 30 ildən çox davam edən araşdırma aparılıb. Nəticələrə görə, qırmızı ətdən gündəlik müntəzəm istifadə xərçəng və gənc yaşda infarkt riskini yüksəldir. Araşdırmada 37698 kişi 22 il, 83644 qadın üzərində isə 28 il boyunca müşahidələr aparılıb. Nəticələrə görə, hər gün emal edilməmiş ətdən istifadə edənlərin ölüm riski 13 faiz artıqdır. Hər gün sosis, kolbasa kimi emal edilmiş ət tükədənlərdə isə risk 20 faizə qalxır.
