Futbol dünyasının ən nüfuzlu fərdi mükafatlarından biri olan "Qızıl top”la bağlı 2026-cı ilin əsas tarixlərindən biri müəyyənləşib.
Bu il mükafatın bütün kateqoriyaları üzrə namizədlərin ilkin siyahısı sentyabrın 8-də açıqlanacaq. Qısa siyahılar "Qızıl top”un rəsmi saytında yayımlanacaq.
Əsas mükafat uğrunda həm kişilər, həm də qadınlar arasında 30 futbolçu mübarizə aparacaq. Bundan başqa, müxtəlif kateqoriyalar üzrə ən yaxşı gənc futbolçu, qapıçı, hücumçu və məşqçilərin namizədləri də müəyyənləşəcək.
2026-cı il üzrə kateqoriyalarda namizədlərin sayı belə olacaq:
Kişilər arasında "Qızıl top” – 30 futbolçu
Qadınlar arasında "Qızıl top” – 30 futbolçu
Kişilər arasında ən yaxşı gənc futbolçu – 10 namizəd
Qadınlar arasında ən yaxşı gənc futbolçu – 5 namizəd
Kişilər arasında ən yaxşı qapıçı – 10 namizəd
Qadınlar arasında ən yaxşı qapıçı – 5 namizəd
Kişilər arasında ən yaxşı məşqçi – 5 namizəd
Qadınlar arasında ən yaxşı məşqçi – 5 namizəd
Kişilər arasında ən yaxşı hücumçu – 10 namizəd
Qadınlar arasında ən yaxşı hücumçu – 5 namizəd
İlin ən yaxşı kişi klubu – 5 klub
İlin ən yaxşı qadın klubu – 5 klub
Mükafatın təqdimat mərasimi oktyabrın 26-da İngiltərənin paytaxtı Londonda baş tutacaq. Bu ilki tədbir "Qızıl top”un təsis edilməsinin 70 illiyinə təsadüf edəcək.
Xatırladaq ki, ötən il "Qızıl top” mükafatına PSJ-nin fransalı futbolçusu Usman Dembele layiq görülüb.
