Donuz qripinin əlamətləri hansılardır?
AZXEBER.COM xəbər verir ki, qrip virusu insanlarda tənəffüs yolları xəstəliklərinə səbəb olan virusdur və ümumiyyətlə dörd alt tipdə, A, B, C və D ilə araşdırılır. Bu alt tiplərdən A və B mövsümi qrip adlanan xəstəliyə səbəb olur.
Donuz qripi virusu 2009-cu ildə pandemiyaya səbəb olan və "H1N1pdm09” olaraq təyin edilmiş H1N1 tipli qrip virusunun mutasiyası nəticəsində yaranıb. Virusun irsi materialı RNT (ribonuklein turşusu) molekuludur.
2009-cu ilin mart ayında ABŞ-ın cənub-qərbində və Meksikada başlayan donuz qripi epidemiyası qısa müddətdə bütün dünyanı öz təsiri altına alıb. Bu tarixdən təxminən 6 ay sonra dünyada 340000-dən çox yoluxma qeydə alınıb və 4100 insan bu xəstəlikdən dünyasını dəyişib.
Quş, donuz və insan qripinə səbəb olan virusların qarışığı olan H1N1 virusu insanlarda yüksək hərarət, boğaz ağrısı, öskürək, titrəmə və üşütmə kimi tipik soyuqdəymə əlamətləri ilə özünü göstərir. Virusun struktur dəyişikliyi sürətlə getdiyinə görə, donuz qripi əvvəlcə çox da təhlükəli olmayan yüngül xəstəlik olsa da, zaman keçdikcə daha təhlükəli xəstəliyə çevrilib. Donuz qripi hər yaşda insana təsir edə bilən və təhlükəli ola bilən yoluxucu xəstəlikdir. Əsasən mövsümi qripdən çox da fərqlənməyən bu xəstəlik mövsümi qripdən daha ağırdır, çünki cəmiyyətin böyük bir hissəsi daha əvvəl bu virusla qarşılaşmayıb.
Donuz qripinin əlamətləri hansılardır?
Donuz qripinin əlamətlərini aşağıdakı kimi sıralamaq olar:
-Qızdırma
-Boğaz ağrısı
-Öskürək
-Bədən ağrıları
-Baş ağrısı
-Burun tutulması
-İştahsızlıq.
Bundan əlavə, bədəndə yorğunluq və tükənmə, nadir hallarda qusma və ishal bu əlamətlərlə müşayiət olunur. Elmi dildə pnevmoniya kimi tanınan ağciyər infeksiyası bu xəstəlikdən ölümlə nəticələnə bilər. Bundan əlavə, astma xəstəliyi, H1N1 virusu ilə birləşdikdə, inkişaf etmiş tənəffüs çatışmazlığına səbəb ola bilər və xəstəlikdən ölümlə nəticələnə bilər.
Donuz qripindən qorunmağın bir çox yolu var:
-Xüsusilə mövsümi dəyişikliklər zamanı epidemiyaların tez-tez baş verdiyi izdihamlı mühitlərdən qaçınmaq;
-İş yerlərində, evlərdə və məktəblərdə ümumi istifadəyə açıq olan qapı tutacaqları başlıqlarının tez-tez dezinfeksiyaedici maddələrlə təmizlənməsi;
-Xəstəliyi olan insanlarla yaxın təmasdan qaçınmaq, hətta mümkünsə eyni mühitdə olmamaq;
-Xəstəlik varsa, xəstəliyin daha da yayılmasının qarşısını almaq üçün maskadan istifadə etmək, lazım gələrsə, sosial həyatdan uzaq olmaq;
-Evdə istifadə olunan yataq dəstləri, yastıq qabları, yorğanlar, çarşaflar, dəsmallar və s. şəxsi əşyaların təmizliyinə fikir vermək və onları tez-tez dəyişmək.
Ayşən
