Qrenlandiyanın gələcək baş naziri Yens-Frederik Nilsen ABŞ administrasiyasının rəsmilərinin qrenlandiyalılara qarşı bəyanatlarını hörmətsizlik adlandırıb.
Bu barədə EFE agentliyi məlumat yayıb.
"Biz insanlarıq, kiminsə alına bilən mülkü deyilik. Əməkdaşlıqdan həmişə danışmaq olar, lakin ilhaqdan danışmaq qəbuledilməzdir, bu, hörmətsizlik əlamətidir", - Nilsen deyib.
Qeyd edək ki, daha əvvəl ABŞ dövlət katibi Marko Rubio qrenlandiyalıların Danimarkadan müstəqillik istəməsi barədə fikirlərini bölüşüb. O, ABŞ-nin müdaxilə etməyə və onlara assosiasiya təklif etməyə hazır olduğunu qeyd edib.
"O, haqlıdır ki, Qrenlandiya Danimarka olmaq istəmir, lakin o, səhv edir ki, Qrenlandiya sabah müstəqil olmaq istəyir. Amma Qrenlandiya da Amerika olmaq istəmir", - Nielsen Rubionun sözlərini şərh edib.
ABŞ Prezidenti Donald Tramp bu il Konqresə müraciətində Qrenlandiyaya ərazi iddialarından əl çəkmək fikrində olmadığını bildirib. O qeyd edib ki, xalq belə bir istək ifadə edərsə, ABŞ adanı öz ərazisinə qəbul etməyə razı olacaq.
Martda keçirilən yerli seçkilərdə qalib gələn Qrenlandiyanın Demokratlar partiyasının lideri Nilsen yaxın günlərdə Danimarkanın bu muxtar ərazisinin yeni baş naziri kimi and içəcək.
///report
