“Qarabağ”ın baş məşqçisi mükafata layiq görülüb. 

AZXEBER.COM klubun rəsmi saytına istinadən xəbər verir ki, Ağdam klubunun gənc çalışdırıcısı Qurban Qurbanov Azərbaycan Respublikasının əməkdar məşqçisi fəxri fərmanı ilə təltif edilib.

“Rəvan” – “Qarabağ” matçöncəsi Azərbaycan İdman və Gənclər Nazirliyinin futbol şöbəsinin müdiri Nüvər Xasıyev Qurban Qurbanovu diplomla təltif edib.

4 ildir məşqçiliyə başlamasına baxmayaraq  artıq qazandığı nailiyyətlərlə ölkədə ən seçkin çalışdırıcılardan sayılan Qurban Qurbanov 4 ilin hər birində medal qazanıb: 2 bürünc, 1 gümüş və 1 ölkə kuboku. Qurban Qurbanov “Qarabağ”la eyni zamanda avrokuboklarda Azərbaycanın ən yaxşı nəticələrini qazanıb.

Son 3 ildə Avroliqada 10 mərhələ oynayan və 7 dəfə növbəti tura yüksələn “Qarabağ”ın baş məşqçisi məhz 39 yaşlı Qurbanov olub. Qurban Qurbanov indidən “Qarabağ”ı  ən uzun müddətə çalışdıran məşqçi kimi tarixə düşüb.

Gənc məşqçi təbrik edir, ona “Qarabağ”la daha böyük zirvələr fəth etməyi arzulayırıq.