"Qarabağ" - "Xəzər Lənkəran" oyunundan sonra mətbuat konfransı keçirilib.

"Qarabağ"ın baş məşqçisi Qurban Qurbanov oyun haqqında fikirlərini bildirib: "Rəqib haqqında yalnız xoş sözlər deyə bilərəm. Onlar qələbə qazanmağa layiq idi. Komandamda bəzi çatışmazlıqlar var idi ki, bu da özünü göstərdi. "Xəzər" azlıqda qaldıqdan sonra müdafiəyə çəkildi və bu oyunun tempini aşağı saldı. Hər il olduğu kimi bu il də çempionatın əvvəlində zəif çıxış edirik. Lakin inanıram ki, qarşıdakı turlarda bunu aradan qaldıracağıq".