UEFA-ya daxil olan ölkələrin milli komandalarının ən yaxşı bombardirlərinin siyahısı açıqlanıb.54 ölkəni əhatə edən cədvəldə 60 futbolçu yer alıb.
Buna səbəb bir millidə 3, dördündə isə 2 oyunçunun şərikli bombardirlik etməsidir. Cəbəllütariq yığmasındakı “üçhakimiyyətlik” daha çox diqqət çəkir. Yeni yaranan bu komandanın tarixində 3 qol olduğundan hərəyə 1 dəfə fərqlənən 3 futbolçu millisinin bombardiri statusunu daşıyır.
Belçika, Rumıniya, Danimarka və Şotlandiya da isə iki futbolçu eyni sayda qol vurub. Danimarkanın bombardirlərinin qol sayı diqqət çəkir. Belə ki, Yon dal Tomasson və Pol Nul Nilsen 50 qol səddini arxada qoyub. Onların hərəsi 50 dəfə fərqlənib.
Avropanın rekordçusu isə macarıstanlı Ferens Puşkaşdı – 84 qol. Almaniyanın ən yaxşısı Miroslav Kloze (71) və İrlandiyanın qol silahı Robbi Kinin (65) də 60-dan çox qol vurmağa nail olub.
Daha 6 ölkənin ən yaxşı bombatdiri 50-ni arxada qoyub. Bunlar David Vilya (İspaniya, 59), Yan Koller (Çexiya, 55), Kriştianu Ronaldo (Portuqaliya, 52), Hakan Şükür (Türkiyə, 51), Zlatan İbrahimoviç (İsveç, 51) və Tyerri Anridi (Fransa, 51).
Azərbaycan millisinin ən məhsuldar oyunçusu Qurban Qurbanov da siyahıda yer alıb. Hazırda “Qarabağ”ın baş məşqçisi olan sabiq hücumçu 14 qolla ölkəmizi təmsil edir.
Avropanın yalnız 6 ölkəsinin bombardiri daha az qol vurub. Cəbəllütariqdən başqa, Qazaxıstanda bu rəqəm 13, Moldovada 11, Farer adalarında 10, Andorrada 9, San-Marinoda isə 8-dir.// qafqazinfo
