Birləşmiş Millətlər Təşkilatının Baş katibi Antonio Quterres Qəzzaya dərhal atəşkəs və fasiləsiz humanitar yardımın vaxtının çatdığını bildirib.
AZXEBER.COM xarici mətbuata istinadən xəbər verir ki, Birləşmiş Millətlər Təşkilatının (BMT) internet saytında verilən açıqlamaya görə, baş katib Antonio Quterreş Misir və Qəzza arasındakı Rəfah Sərhəd Qapısı qarşısında mətbuat konfransı keçirib.
Qəzzalıların sonsuz kabus yaşadığını qeyd edən Quterreş evlərin dağıdıldığını, ailələrin və nəsillərin tamamilə məhv edildiyini, aclıq və qıtlığın xalqı bürüdüyünü bildirib.
Quterreş əlavə edib ki, fələstinlilər aylarca davam edən sıxıntı və ağrıdan sonra Ramazan ayına İsrailin hücumları və humanitar yardımların daxil olmasına maneələrlə daxil olublar.
Fələstinlilərlə həmrəy olduğunu göstərmək üçün oruc tutan Quterreş Qəzzada olanların iftarda yeməyə yemək tapmamasından narahatlığını dilə gətirib.
Quterres Qəzzaya girmək üçün Rəfah Sərhəd Qapısının hər iki tərəfində yük maşınlarını gözləyərkən, sərhədin o biri tərəfindəkilərin aclıqdan öldüyünü ifadə edərək, "vəziyyətin faciəvi və mənəvi cəhətdən hiddətləndirici" olduğunu qeyd edib.
Qəzzadakı fələstinlilərə "siz tək deyilsiz” deyərək müraciət edən Quterreş dünyanın hər yerində insanların hər gün gördükləri vəhşiliyə qəzəbləndiyini dilə gətirib.
Mikayıl
