Təşkilatın hesabatına görə, Azərbaycanın adı mətbuat azadlığının vəziyyətinin ən pis olduğu ölkələr sırasına - "Azad olmayan ölkələr" arasına salınıb. Freedom House 196 ölkədə mətbuat azadlığının vəziyyətini qiymətləndirib və Azərbaycan bu reytinqdə 196 ölkə arasında 171-ci olub.

AZXEBER.COM portalı mövzuyla bağlı professor, Azərbaycan Milli Elmlər Akademiyasının müxbir üzvü, Azərbaycan Dövlət Neft Akademiyası ″Avtomatlaşdırılmış idarəetmə sistemləri″ kafedrasının müdiri Rafiq Əliyevin də fikirlərini öyrənib. O bu haqda AZXEBER.COM-a deyib: “Təbii ki, bundan nəticə çıxartmaq lazımdır. "Freedom House"ni atəşə tutmaq və ya tənqid etmək lazım deyil. Nəticə çıxartmaq lazımdır ki, niyə 171-ci yerdəyik, aşağı enmək üçün bizə nə lazımdır, nələri düzəltməliyik. Bu haqda daha ətraflı fikirləşmək lazımdır. Freedom House, dünyada tanınmış bir təşkilatdır. Onun obyektivliyinə şübhəm yoxdur.”