7 iyul 2016-cı il tarixdə Binəqədi rayon Gənclər və İdman İdarəsi və “Dəcəl balam” Ailə və Uşaq Inkişaf Mərkəzinin təşkilatçılığı ilə Binəqədi rayonu Heydər Əliyev adına istirahət parkında Müqəddəs Ramazan bayramı münasibətilə konsert proqramı təşkil edilmişdir.
Tədbirin aparıcıları Ülviyyə Həsənqızı və Şirməmməd Hüseynov qonaqları və konsert iştirakçılarını salamladıqdan sonra Dəcəl Balam Ailə və Uşaq Inkişaf Mərkəzinin direktoru Dilşad Musa onlara göstərilən dəstəyə görə Binəqədi Rayon İcra Hakimiyyəti və Binəqədi rayon Gənclər və İdman İdarəsinə təşəkkürünü bildirdi və rayon Gənclər və İdman İdarəsinin nümayəndəsinə“Təşəkkürnamə”ni təqdim etdi.
Sonra tədbir müğənnilərin çıxışı ilə davam etdirildi.
Qeyd edək ki, rayon sakinlərinin asudə vaxtlarının səmərəli təşkili məqsədilə keçirilən tədbirdə nanizm xəstəliyindən əziyyət çəkən 16 yaşlı Murada kömək məqsədilə xeyriyyə aksiyası da təşkil olunmuşdur.
