AZXEBER.COM Türkiyə mediasına istinadən xəbər verir ki, imsak və iftarda, xüsusilə balanslı qidalanma və kifayət qədər maye qəbuluna diqqət yetirilməsi lazım olan bir ayda edilən səhvlər çox vaxt ciddi sağlamlıq problemlərinə səbəb ola bilər. 

 

Mütəxəssislər iftarda birdən çox yemək yeməyib və şirin yeməklərdən uzaq durmağı tövsiyə ediblər. 

Türkiyəli Prof. Dr. Emel Ramazan düzgün qidalanma ilə əlaqədar bəzi məsləhətlər verib: 

"İmsak üçün mütləq yuxudan oyanın. 

Yuxudan oyanmadığınız halda axşam qəbul edilən qidalar qeyri-kafi ola bilər. Bədənin enerji və qida maddələrini qarşılaya bilməməsi nəticəsində yaranan enerji çatışmazlığı bütün gün, günün ən aktiv dövründə sağlamlığa mənfi təsir edir.Təzyiq və şəkər xəstələri ilə yanaşı, Xora kimi mədə xəstəlikləri olan insanlar, böyrək xəstələri, hamilə və laktasiya edən qadınların oruc tutması məsləhət görülmür”. 

Dietoloq Derya Akça da gün ərzində enerjili və aktiv olmaq üçün imsakın zəruriliyini bildirib: 

"Ramazan ayını sağlam keçirmək üçün sahurda çəkisi yüngül, qida dəyəri yüksək olan qidalara diqqət yetirin və iftarda susuzluğu aradan qaldıracaq qidalara üstünlük verin”. 

Qidalanma və Pəhriz Mütəxəssisi Nur Ecem Baydı Özman, sahursuz orucun gün ərzində baş ağrısından yorğunluğa, əsəbilikdən konsentrasiya problemlərinə qədər bir çox problem yarada biləcəyinə diqqət çəkərək: 

"Ramazan ayında tək yeməyə yüklənməmək ən yaxşı yoldur. Yemək əsnasında sizi tox tutmaq üçün sağlam qidalar, lif, vitaminlər təmin edərək, mineral kimi qida elementlərini qarşılamağa kömək edəcək seçimlər etmək lazımdır. Şirniyyat istehlakına da diqqət yetirilməlidir. Həddindən artıq yemək olmaz. 

Su içmək üçün susuzluğu gözləməyin. Çünki su içmək üçün susayana qədər gözlədiyiniz zaman bədəninizi susuzluqdan təşvişə düşəcək bir nöqtəyə gətirirsiniz. Çay və qəhvə kimi içkilər susuzluq hissini əngəlləsə də, suyun yerini tutmur və suyun bədəndən çıxarılmasına səbəb olur”.