"Rasim Azərbaycan mədəniyyətinin və incəsənətinin canlı tarixidir”.
Bunu AZXEBER.COM-a Prezidentin xüsusi tapşırıqlar üzrə nümayəndəsi Xələf Xələfov xalq artisti Rasim Balayevin vəfatı ilə bağlı danışarkən deyib.
"Onun haqqında keçmiş zamanda danışmaq çox ağırdır. Millətimiz onu hər zaman yüksək qiymətləndirib. Onun əziz xatirəsi xalqımızın yaddaşında daim yaşayacaq. Onun yaratdığı əsərlər xalqımızı tərbiyə edəcək, yeni zəfərlərə səsləyəcək. Rasim Balayev gələcək nəsillər üçün örnək, milli-mənəvi dəyərdir. Biz onun irsini qorumalı və yaşatmalıyıq”.
