Bu axşam Çempionlar Liqasının qrup mərhələsi çərçivəsində IV turun növbəti oyunları keçirilib.
Qol.Az-ın məlumatına görə, ikinci oyun günündə daha 8 qarşılaşma baş tutub.
A qrupunun lideri "Porto" klubu səfərdə Kiyev "Dinamo"sunun qonağı olacaq. Digər oyunda isə PSJ öz meydanında "Dinamo" (Zaqreb) klubunu sınağa çəkəcək.
B qrupunda "Şalke" doğma meydanda İngiltərənin "Arsenal" klubu ilə qarşılaşacaq. Qrupun autsayderləri "Olimpiakos" və "Monpelye" komandaları Yunanıstanda üz-üzə gələcəklər.
C qrupunun maraq doğuran görüşlərindən biri Milanda baş tutacaq. Burada yerli "Milan" klubu "Malaqa" ilə qarşılaşacaq. Digər oyunda isə "Zenit" Belçikada "Anderlext"lə münasibətlərinə aydınlıq gətirəcək.
D qrupunda "Mançester Siti" klubu doğma azarkeşləri önündə "Ayaks"ı sınağa çəkəcək. Günün ən maraq doğuran oyunu isə Madriddə keçiriləcək. Burada yerli "Real" klubu "Borussiya" (Dortmund) komandasını qəbul edəcək.Qeyd edək ki, IV turun qalan görüşləri sabah axşam keçiriləcək.
