"Real Madrid" "Liverpul"un müdafiəçisi Trent Aleksandr-Arnold ilə maraqlanır.
Bu barədə "Relovo" məlumat yayıb.
Bildirilir ki, "kral klubu" "Liverpul"la əlaqə saxlamayıb və futbolçunu almaq üçün heç bir təklif irəli sürməyib.
Qeyd olunur ki, hazırkı mərhələdə Madrid komandası futbolçuya sadəcə olaraq maraq göstərir.
Müdafiəçinin "Liverpul"la müqaviləsi 2025-ci ildə başa çatır.
Qeyd edək ki, Trentin 25 yaşı var və 2016-cı ildən "Liverpul"un əsas komandasında oynayır.
Bu mövsüm ingilis futbolçu bütün yarışlar da daxil olmaqla 29 oyun keçirib, 2 qol vurub və 10 məhsuldar ötürmə edib.
"Transfermarkt" portalı Trent Aleksandr-Arnoldun transfer dəyərini 70 milyon avro qiymətləndirir.
