"Real" 2 futbolçusu ilə qəribə müqavilə imzalamaq niyyətindədir.
Klub Luka Modriç və Lukas Vaskeslə sözləşmənin müddətini uzatmaq niyyətindədir.
Lakin müqavilə müddəti cəmi 2 həftəlik nəzərdə tutulub.
İyun ayının 30-da sözləşməsi bitəcək olan futbolçularla əməkdaşlıq iyulun 13-nə qədər davam edə bilər.
Buna səbəb Klublararası Dünya Çempionatının yayda keçirilməsidir. Turnirin təşkilatçısı olan FIFA klublardan futbolçularla müqavilələri qısamüddətli də olsa, uzatmağı xahiş edib.
Vaskes komandanı tərk etmək niyyətindədir. Modriç isə hələ ki, danışıqlar prosesini davam etdirir.
