"Respublikaçılar” partiyası ABŞ-də keçiriləcək prezident seçkisində qanun pozuntuları aşkarlanarsa, məhkəməyə müraciət olunmasına icazə verməyi tələb edib.
AZXEBER.COM APA-ya istinadən xəbər verir ki, bu təşəbbüsü partiyanın namizədi, eyni zamanda ABŞ-nin 43-cü Prezidenti Donald Tramp irəli sürüb.
O da qeyd olunub ki, hazırda 26 ştatda bu məsələ ilə bağlı 120-dən çox iddiaya baxılır.
Əsas tələblər arasında seçicilərin qeydiyyatının məhdudlaşdırılması, Miçiqanda bülletenlərin poçt vasitəsilə daşınması, səyyar seçki məntəqələrinin təşkilinin dayandırılması, eləcə də vətəndaşlığı olmayan miqrantların adlarının seçici siyahısından çıxarılması üstünlük təşkil edir.
Çoxsaylı iddia ərizələrində ştatlardakı məmurlar tərəfindən pozuntular aşkarlandığı halda nəticələrin məhkəmə qərarı ilə ləğvinə icazə verilməsi də tələb olunur.
