Ukrayna ordusunun hələ də canlı qüvvəyə ehtiyacı var.
Bu barədə Ukrayna müdafiə naziri Aleksey Reznikov bildirib.
Onun sözlərinə görə, müharibənin əvvəlində təsdiqlənmiş səfərbərlik planı hələ yekunlaşmayıb: "Baş Qərargah nə qədər sürücü, atıcı, operator, artilleriyaçı və snayperə ehtiyac olduğunu dəqiq bilir. Baş Qərargah komandirlərə tapşırıqları müəyyənləşdirir”.
Reznikov səfərbər edilmiş zabitlərin liderlik keyfiyyətlərinin az olduğunu vurğulayıb.
"Onların 90%-i hər şeyi yenidən öyrənir. Müttəfiqlər kiçik, orta komandir heyətinin və çavuşların liderlik kurslarının təşkil edilməsini təklif edir”, - Reznikov deyib.
///APA
