"Mançester Siti" və "Mançester Yunayted" yay "transfer pəncərəsi"ndə "Real Madrid"in ulduz futbolçusu Rodriqonu heyətinə qatmaq üçün mübarizəyə qoşulub.
AZXEBER.COM xarici mediaya istinadən xəbər verir ki, Premyer Liqanın iki nəhəngi 24 yaşlı braziliyalı hücumçunun xidmətində maraqlıdır. "Şəhərlilər" Rodriqonu transfer edərək Erlinq Haaland ilə birlikdə güclü hücum tandemi yaratmağı planlaşdırır. Digər tərəfdən, "Mançester Yunayted" isə Ruben Amorimin yeni oyun sistemində Rodriqonu əsas fiqurlardan biri kimi görür.
Qeyd edək ki, Rodriqo bu mövsüm "Real Madrid" forması ilə 34 oyuna çıxaraq 14 qol vurub və 7 məhsuldar ötürmə edib. Onun Madrid klubu ilə müqaviləsi 2028-ci ilə qədər qüvvədədir və sərbəstqalma məbləği 1 milyard avro təşkil edir.
