"Real"ın futbolçusu Kriştiano Ronaldo Çempionlar Liqasının yarımfinalında "Borussiya" ilə oyundan (2:0) sonra açıqlamalar verib.
O, yaxşı oyun nümayiş etdirmələrinə baxmayaraq, əldə etdikləri nəticənin finala çıxmalarına imkan vermədiyini deyib: "Bu matçda daha yaxşı oynaya bilərdim. Komandam üçün qol vurmaq istəsəm də, alınmadı. Mən hər zaman "Real" üçün ən yaxşısını etməyə çalışıram”.
Portuqaliyalı hücumçu baş məşqçisi Joze Mourinyonun oyundan sonra keçirilən mətbuat konfrasında "Real"dan getmə ehtimalları olduğunu deməsinə də münasibət bildirib: "Mourinyonun getməsi məni maraqlandırmır. Mən sadəcə komandamı və öz gələcəyimi düşünürəm".
Ronaldo Madrid klubu ilə müqaviləsini yeniləyib-yeniləməyəcəyinə də aydınlıq gətirib: " Bu, hələlik məlum deyil. Hazırda iki illik müqaviləm var. Burada azarkeşlərlə birgə özümü çox rahat hiss edirəm”.
//qol.az
