Rusiya Xarici İşlər Nazirliyi (XİN) Aktaudakı təyyarə qəzası versiyaları ilə bağlı Azərbaycan və Qazaxıstanın Xarici İşlər nazirlikləri ilə heç bir danışıqlar aparmayıb.
Bu barədə Rusiya KİV-ləri ölkə XİN-in bəyanatına istinadən məlumat yayıb.
"NATO ölkələrində olan xarici agentlərin təşəbbüsü ilə sosial şəbəkələrdə Rusiya XİN-in Mərkəzi Aparatının yüksək vəzifəli əməkdaşlarının guya Azərbaycan və Qazaxıstan XİN nümayəndələri ilə 2024-cü il dekabrın 25-də Aktau şəhərində baş vermiş təyyarə qəzasının versiyaları ilə bağlı danışıqlar aparması barədə feyk məlumat yayılır. Adı çəkilən ölkələrin XİN rəhbərləri ilə bu barədə heç bir danışıqlar aparılmayıb", - nazirlikdən bildirilib.
"Aydındır ki, bu cür qərəzli dezinformasiyanın arxasında siyasi sifariş dayanır. İnsanların faciəsi üzərində piar etmək cəhdlərini ləyaqətsiz və qəbuledilməz hesab edirik", - nazirlikdən qeyd ediblər.
///report
