Rusiya Monteneqronun xarici işlər naziri Ranko Krivokapiç, müdafiə naziri Raşko Koneviç və Milli Təhlükəsizlik Agentliyinin sabiq direktoru Savo Kenteranın ölkəyə daxil olmasını qadağan edib.
Bu barədə Rusiya XİN-in bu gün Monteneqro səfirliyinə ünvanlanmış notasında deyilir.
Qeyd olunur ki, bu addım Monteneqronun sentyabrın sonunda 6 rusiyalı diplomatın arzuolunmaz şəxs elan olunması qərarına cavab olaraq atılıb.
Həmin qərardan sonra Monteneqronun Rusiyadakı səfirliyinin konsulluq şöbəsi də işini dayandırmışdı.
