"Münasibətlər tərəfdaşlığa və qarşılıqlı hörmətə əsaslanır”
AZXEBER.COM xarici mətbuata istinadla xəbər verir ki, Vladimir Putin "Rusiya-İslam Dünyası: Kazan 2023” formu ilə bağlı çıxışında İslam Əməkdaşlıq Təşkilatına (İƏT) üzv ölkələrinin bir araya gələcəklərini deyib.
V. Putin Rusiyanın ənənəvi olaraq müsəlman dövlətləri ilə həm ikitərəfli, həm də Rusiya ilə əməkdaşlıq çərçivəsində yaxın və etibarlı əlaqələri olduğunu diqqətə çatdırıb.
Bu əlaqələrin tərəfdaşlıq və qarşılıqlı hörmətə əsaslandığını bildirib:
"Biz beynəlxalq hüquqa əsaslanan daha ədalətli, çoxqütblü dünya nizamına sadiqliyimizdə həmrəyik. Bu gün İslam ölkələri sürətlə inkişaf edir, ticarət və maliyyə, innovasiya və tətbiqi tədqiqatlarda nəzərəçarpacaq nailiyyətlər əldə edirlər. Rusiya bu ölkələrlə mümkün qədər geniş ticari və humanitar əməkdaşlığa açıqdır. Biz qurulmuş əlaqələrimizi gücləndirmək, yeni tərəfdaşlar əldə etmək, kənd təsərrüfatı və sənaye sahəsində əməkdaşlığı təşviq etmək və yeni logistik zəncirlər yaratmaq istəyirik”, - deyə Rusiya prezidenti qeyd edib.
Şəbnəm Zahir
