Rusiya Ukraynanın paytaxtı Kiyevə balistik raketlər və PUA-larla genişmiqyaslı hücum edib.
AZXEBER.COM xarici mediaya istinadən xəbər verir ki, 23 nəfərin həyatını itirdiyi hücum, 2022-ci ildən bəri müharibənin ən ağır hava zərbələrindən biri hesab olunur.
Zərər çəkən obyektlər arasında Avropa İttifaqının nümayəndəliyi və Britaniyanın British Council binası da var.
Hücum Qərbin sərt reaksiyasına səbəb olub. Böyük Britaniya Rusiyanın Londondakı səfirini Xarici İşlər Nazirliyinə çağırıb, Baş nazir Keir Starmer Moskvanı "sülh ümidlərini sabotaj etməkdə” ittiham edib. Aİ-nin ali nümayəndəsi Kaya Kallas da oxşar addım atdıqlarını açıqlayıb.
Almaniya kansleri Fridrix Mers hücumların "Putin-Zelenski görüşünü mümkünsüz etdiyini” bildirib.
Hadisədən sonra Aİ rəhbəri Ursula fon der Leyen, ABŞ Prezidenti Donald Tramp və Ukrayna Prezidenti Vladimir Zelenski ilə telefon danışığı aparıb. Tramp birbaşa açıqlama verməsə də, Ağ Ev onun vəziyyətdən narazı olduğunu bəyan edib.
Analitiklərə görə, Putin Zelenskiyə bərabər lider statusu vermək istəmir və yalnız maraqlarına uyğun bir sülh razılaşmasına razılıq göstərə bilər.
Oksana
