Rusiya xarici işlər nazirinin müavini Sergey Ryabkov Rusiya prezidenti Vladimir Putin və ABŞ prezidenti Donald Tramp arasında yeni sammit üçün lazımi şərtlər yerinə yetirilmədiyini deyib.
AZXEBER.COM xarici mətbuata istinadən xəbər verir ki, Ryabkov Moskvada jurnalistlərə Rusiya-ABŞ münasibətləri ilə bağlı danışıb.
Ryabkov ABŞ ilə əlaqələrini davam etdirdiklərini bildirərək deyib: "Gündəliyimiz genişdir. Təhlükəsizliklə bağlı məsələlər gündəliyin mərkəzindədir".
Ryabkov ABŞ-yə birbaşa uçuşların bərpa olunmasını dəstəklədiyini bildirib, lakin bu məsələdə heç bir irəliləyiş əldə olunmadığını deyib.
Rusiya prezidenti Putin və ABŞ prezidenti Tramp arasında yeni sammitin keçirilməsi ehtimalına gəldikdə isə, Ryabkov deyib:
"Ən yüksək səviyyədə istənilən görüş hərtərəfli hazırlıq və bütün aspektlərin hərtərəfli öyrənilməsini tələb edir. Belə bir görüşün nə birinci, nə də ikinci şərti bu günə qədər yerinə yetirilməyib. Bu mərhələdə iki liderin avqust ayında Ankoricdə formalaşdırdığı çərçivəni konkret detallarla tamamlamağımız vacibdir".
Gülay
